احمى نفسك من الكوليسترول
كلنا بنخاف من كلمة كوليسترول، بنشوف قد إيه الناس بتعاني منه، كبار و صغيريين، و إزاي بيمنع الناس إنها تستمتع بحياتها و يخليها علي كف عفريت زي مبيقولوا .. احنا هنقولك ايه هو بالظبط الكوليسترول ، إيه أسبابه و إزاي تحمي نفسك منه.
أول حاجة لازم تكون عارفها إن الكوليسترول نوعين: نوع مفيد للجسم و يسمي بروتين دهني مرتفع الكثافة ( HDL )، و يجب أن تكون نسبته في الدم أعلى من 40 مليجرام/ديسيلت، و نوع مضر للجسم و يسمي بروتين دهني منخفض الكثافة ( LDL )،و يجب أن تكون نسبته في الدم أقل من 100 ميجرام/ديسيلت. الكوليسترول بقى هو الدهون اللي بتنتقل في الجسم عن طريق الدم، الجسم بيحتاج منها نسبة معينة عشان يشتغل بشكل كويس، بس لما بتزيد ممكن تبدأ تسبب انسداد في الشرايين أو أزمات قلبية، عشان كدة خليك دايما مسيطر علي نسبة الكوليسترول في جسمك، و حاول تقيسة علي الأقل مرة كل خمس سينين.
للأسف عادات يومية كتيرة ممكن نكون بنعملها من غير ما ناخد بالنا بتكون سبب في زيادة الكوليسترول، من أهمها:
- نظام اغذائي غير صحي: يعني مثلا تعتمد في أكلك علي بعض الأطعمة اللي بتحتوي علي نسبة كوليسترول عالية زي ( البيض، الكبدة، اللحوم الحمراء بشكل عام)، أو بتأكل الوجبات السريعة بصفة مستمرة.
- عدم ممارسة الرياضة بشكل منتظم.
- التدخين: السجاير فيها مادة إسمها الأكرولين بتوقف الكوريسترول الجيد و تبدأ في ترسب الدهون علي الكبد و دا ممكن يؤدي إلي تصلب الشرايين.
و طبعاً فيه عوامل تانية ممكن تأثر علي نسبة الكوليسترول زي السن و النوع و العوامل الوراثية.
ازاى تحمى نفسك من الكوليسترول؟
- ركز دايما بتأكل إيه؟! اختار كل ما هو منزوع الدسم ( من ألبان و جبن)، و متخليش أكلك يكون معتمد علي اللحوم الحمراء بس ،ممكن تأكل أسماك مفيدة و بتحمي من تصلب الشرايين .
- خلي السلطة طبق رئيسي في يومك و كتر من أكل الخضار بشكل عام و الفاكهة وكل الأطعمة اللي بتحتوي علي ألياف لانها هتساعدك تسيطر علي نسبة الكوليسترول في جسمك.
- مارس الرياضة بشكل مستمر حتي لو كانت المشي لمدة نص ساعة في اليوم أهم حاجة المواظبة!
- ابعد عن التدخين، متقعدش جمب حد بيدخن ولا في الأماكن المغلقة اللي فيها تدخين.
احمى نفسك من الكوليسترول
Reviewed by Unknown
on
6:02 م
Rating:
Reviewed by Unknown
on
6:02 م
Rating:

ليست هناك تعليقات على : احمى نفسك من الكوليسترول